Cobra

S: So the first major clash now, public.

C: First major clash a Buju me flatten. (He says it emphatically and there is laughter all around).

S: That was before Flex or after?

C: Before.

S: But Buju is yu fren same way.

C: Yeah! At the time Buju was with Penthouse and I was with Specs-Shang. Shabba was the big man a Specs-Shang, so I was like Shabba little sidekick.

Shabba is not a clash deejay, but at the same time, they were building Buju to like overthrow Shabba. (He says how Shabba had 'best best, be be best Baby Father' and it was turned around to 'good good, goody goody good' for Buju and Shabba had "new year new style, new everything" and it was turned to "new year, new dance" in Buju's Bogle).

So them switch it round, so at the time Shabba got angry. Isaiah Laing wanted a clash and I wouldn't say back down, but Shabba said 'bway, a no fe him ting dat an' rey', so me sey arright, sen' me!

S: Yu ready fe it.

C: Yeah! Sen me! So me go sey bum an reach deh de night. Me did deh a farin, so me fly dung de day a de show, Prison Oval. An' a desso all hell bruck loose. An de res' is history. Buju no talk to me fe nearly four years. (There is laughter all around).

S: Was that the clash? Me always hear people talk 'bout a clash when you sey to Buju 'talk yu las' tune now'.

C: Yeah, him deh deh (STAR interjects 'like yu know whe him a come wid'). Me know whe him a come wid, 'cause at the time Buju was (he deejays, Gargamel style) "gal yu see yu b... rider, murder". So me jus' sey "go tek it off, b... rider no fit dem". Everyting him come wid me turn it roun'. Him come wid dis song, "man fe dead". So when him sey "man fe dead." me sey Buju, whe yu sey, gun? So my reply was (he deejays again) "me have whole heap a gun until me gun confuse, right ya now me don' even know which one a mi gun fe use".

So me start name out Monday gun different from Tuesday, Wednesday an' Sunday a de place a done. So me tell dem twice pon Sunday, so me en' up use two different kin'. Buju war me, go so boom an jump offa de stage. Me know him catalogue, so me jus sey 'Buju chat yu las' song!'

So is like me know whe him a go deejay, 'cause me no hear him come wid no freestyle on the spot. So me jus' sey 'arright, chat yu las' tune' an' me tell him the song. An him jus' walk offa de stage an sey 'who, me nah mek no man ride my back!' Rey, rey an dis an dat an' a deso de vibes start. So me sey whe you have whe me want? Come on my yute. So him sey him have a show a MoBay, so me arright, de whole a we a go a MoBay. Me drive follow him go Montego Bay. I was not on the show, but me drive from Spanish Town follow him all the way to MoBay.

S: An' clash again?

C: Him back up man! Back up! An promoter no let me een an dem ting deh. (There are chuckles). After that it resolve an' me an him have a good vibe. We have a good vibe going. When him see me him hail me an if him no feel like me nah no problem wid it.

S: Tell me 'bout some other clashes.

C: Clash wid me an Ninja Man now! Dat a me idol at the time. From me an Capleton an' Panhead come out as young deejay, Ninja Man sey 'who, me mus' kill dem!' True him talk gun lyrics an him fin' some different yute now, a talk story. 'Cause Ninja used to jus' rhyme an rey, but we a tell story.

Tomorrow - more of the clashes with Ninja Man, Cobra has some advice for Merciless and we look at some different sides of the snake - athletics, student, horse racing.