Laden - Winston Sill photo

In this weekly Mus' Buss Caan Buss song review feature, three musical minds with different tastes will analyse each song and grade it on vocal ability, lyrics, musical arrangement and appeal. Songs that make the grade will be dubbed 'Mus' Buss', while songs that flop will be dumped in the 'Caan Buss' bin.

The three reviewers welcome feedback from the artistes and the public about the column. Send your comments to bussdem@hotmail.com or mail your songs to 'Muss Buss' at the Gleaner Company, 7 North Street, Kingston. This week, the Muss Buss/Caan Buss team will review Laden's Time To Shine.

Witch: "Mi feel like mi inna Sesame Street or on the CosbyShow, di beat just sound wholesome."

Lady Boo: "Him a deejay fast!"

Witch: "He has come a long way from Rising Stars, him a tun out some good songs and dis is anadda one."

Lady Boo: "Mi really see how him improve in terms of him clarity an him content."

Witch: "Mi really like di riddim, it unusual and very old-school American, early Jackson 5 pop."

Queen: "Mi love di alternative vibe of di song, di reggae mix in it is really different, an honestly, yuh kinda hear him ave a singjay vibe."

Witch: "Yeah, di versatility of singjays is good. Nowadays dem can cross over into different markets if dem want."

Queen: "Almost sound like him a rap too."

Lady Boo: "It sound like di kinda song dat can grow pon yuh an yuh find yuself singing widdout even realising. An it nuh have di annoying factor weh yuh find in other songs like Heels and Belly Ring."

Witch: "I agree, mi all a sing it too."

Queen: "Trus mi, Laden has really impressed me from when mi hear him pon Rising Stars to where he is now, an him taking on dis whole kinda different vibe from di topic of di song to di riddim, mi respect him for dat."

Lady Boo: "Wha mi really like is dat di title of di song kinda show seh a really fi him time to shine. Him really in him prime, people a notice him now."

Witch: "Yuh tek di words outta mi mout. Laden really a grow an a shine. Him might be di next most-successful Rising Star, next to Chris."

Queen: "It's time to shine wid di quality of songs him coming out wid."

Witch: "Yeah, di best ting him do a link with Stephen, him really a guide him career an get him on some strong riddims."

Lady Boo: "I was just about to say it, from him link up wid Stephen, tings just a gwaan fi him, cause him deh a Shocking Vibes and mi neva rememba seh him a artiste at di time."

Witch: "Wha mi like bout di song is dat it seem wholesome an clean, which is rare. Is not like him don't cuss, but not much."

Queen: "I think it's time we put in di verdict on dis song an, based on my comments, dis song really buss. I'm a big rock an dancehall fan and mixing di two is heavenly for me so definitely haffi buss, not just locally but it ave a strong International vibe."

Lady Boo: "Dis is just anadda Stephen production so what is dere not to like. Mi buss it."

Witch: "Mi buss it, another good combo wid Laden and Stephen. People caan ignore Laden much longer."