Beenie Man - Contributed

In this weekly Mus Buss Caan Buss song review feature, three musical minds with different tastes will analyse each song and will grade it on vocal ability, lyrics, musical arrangement and appeal. Songs that make the grade will be dubbed 'Mus Buss', while songs that flop they will be dumped in the 'Caan Buss' bin.

The three reviewers welcome feedback from the artistes and the public about the column. Send your comments to bussdem@hotmail.com or mail in your songs to 'Muss Buss' at the Gleaner Company, 7 North Street, Kingston. This week the muss buss/caan buss team will be reviewing Beenie Man's 'Gimme Gimme Gimme.'

Lady Boo: "Him actually record wid Stephen? Mi like it."

Queen: "Yuh can see di people a Bembe a 'bruk out' on dis already, it remind me of a Matterhorn kinda vibe, like a Dutty Wine ting."

Witch: "I was surprised bout di Stephen link as well cause mi nuh sure, but mi nuh tink dem ever record together before. But di song sound good, boy is like no matta wha Beenie do is an instant hit."

Lady Boo: "Mi nuh waan mash nobody corn, but dis is di best riddim mi hear Beenie pon. Him tend fi deh pon some riddims weh no so hot."

Witch: "Yeah di production sound good, Beenie rides di riddim well."

Queen: "Di riddim bad, di song bad, it sound like a retro beat and mi love di likkle techno vibe dat mix in. It's a classic Beenie dance tune, and I mean, it's for di ladies so it have strong appeal right away."

Witch: "Unnu listen to di words? Beenie haffi always a throw word, bout him a nuh Ground Gadd. It have an easy to catchy chorus so it will hit."

Queen: "Dats classic Beenie, him nuh happy unless him hit out at somebaddy. But honestly mi neva pick dat up, mi couldn't get pass di 'gimme gimme'."

Lady Boo: "Is almost like mi a listen out fi sumting like dat, cause a Beenie still."

Witch: "One ting bout Beenie, him always have a hit, a wha so?"

Lady Boo: "Because him have very good hooks."

Queen: "He has very good producers, very good song writers wha a mek him sound fresh."

Witch: "Obviously di link is good, mi like di end of di song fi real where it kinda switch."

Queen: "Buss it or not? Mi seh it buss from like yesterday, dat's just how sure it is."

Lady Boo: "Mi like it and know seh it buss, mi just hopeseh him back it up wid a good video and not some lame video like 'Back It Up,' 'Wine Gal', 'Gimme Likkle' and di list goes on. Di best one him have in a long time a 'King Of The Dancehall' caw da video did sort out."

Witch: "I agree, him need betta videos, him mus can afford to spend on a good video. But a tru a Beenie di song buss long time."