Intro

Well the Bible say the enemy come fi kill steal and destroy, the Bible also say the devil a the father of lies, and if him a the father of sin, him a the owner of sin and sin belong to him, Warfare time.

Verse 1

If a serpent we a go mash that, Leviathan, we a go crush that, if a strong hold, pull down that, prince a the air, we a go bind that, if a scorpion, we a go thread that, Inccubus, Succubus, me rebuke that, anything not of God, wi uproot that devil and him demon friend them keep that

Chorus

Fornication back 2 owner, adultery, back 2 d, anything whey a sin, belong to him, me no want it, back 2 d owner,

pornography back 2 owner, disobedience back 2 d, anything whey a sin, belong to him me no want it, back 2 d owner,

Verse 2

If a badmind, me no want that, if a hatred, he can tek that if a witchcraft or sickness, him can hold that, a him did mek that, if a lyad mouth, gwaan wid that, if a poverty, mi no need that, rolling calf, him can keep that, him an him demon friend, them can eat that

Verse 3

Some a we have serious conviction, yet we have some sinful addiction, before sin sink we like quicksand, we a go give it a spiritual eviction, drunkenness, we a gi it back, if a laziness, we a gi it back, if we riotous, we a gi it back, if we love cus, we a gi it back, we love chat, we a gi it back, if we love lust, we a gi it back, anything from the enemy, we gi him back, and the truth is, we don't even waan si him back.

Bridge

The Bible says any piece of ground whey Jacob thread upon belong to him, so you si right now, we a go claim some things whey belong to we.

Verse 4

Prosperity, a fiwi one that, God's favour, a fiwi, it belong to the king, it is a good thing, an we a serve him, a fiwi one that, God's mercy, a fiwi one that, grace a God, a fiwi, it belong to the king, it is a good thing, and we a serve him, we are the owner, if a peace, mi say wi want that, if a joy, we a go tek that, righteousness, holiness, a whey we need, a him did mek that, if a faith, me a go hold that, and if a love, mi a keep that, if a mi health, mi a go grab that, an mi naa mek the devil come rob that.