File - From Left: Queen Ifrica, Munga Honourable, Noddy Virtue, DJ Spice, Deva Bratt, Mau-rce, Beenie Man

My apology fi di error in di email address last Saturday, incase it happen again jus' remember my name is Sharlene it is spelt wit a 'S' and not a 'C'. Cuz it unique. And also fi di picture that was label Deva Brat, and it was Boscom X. SUSS Time!!!

DEVA AND MUNGA FI STING 2007?

Who ah go clash this year at Sting? The streets dem a say is Deva win the clash wid Munga, anno me say so, ah the streets, mi a get crazy email and dem ting de, and the people dem waan the part twice, even though Munga ah pree the ting wicked like is a real war him waan. Deva ah get crazy fight, people all waan stop Bundle a Gal from get airplay, but Deva, nuh mind, the people dem love yu.

POOOOW!!! GUESS WHO GET LEF BEHIND

Dis is more dan drama. How some woman suh salt? Imagine di man lef him babymother fi married to sweetheart wit her pickney dem and den a lef wifey fi babymother. It nuh pretty, yuh tink sey is everyting glitter is gold. Not because yuh did a wife yuh should not hype. A who lef wit di wrong part a stick fi ole on to now. Yuh nuh si di man want to get back to him babymother wey yuh called all sort of names. But him goin to get lef to, cuz frankly she nuh really want di run in and run out type a relationship. All she want is fi yuh tek care of yuh responsibility, and mine yuh son.

SPICE'S COOLIE BABY SELL OFF

People, mi hear say Spice de a foreign wid the whole of her coolie in-law dem and ah just crazy flossing. And she look thin, like she ah go come back sexy sexy, mi hear say she did de ah the 'Ninja Man and Friends' show, and she ah show everybody the picture dem, and just a gwaan. Spice, yu nah come home fi the Xmas? Jamaica waan see yu and the baby.

WHO A DI ORGINATOR FI JUMP AND SPLIT

Well MoBay girls sey a dem and Portmore girl sey a dem. How can we 'spilt' dis one yah. Worst Mu-rce Jump and Split a get a hype in di dancehall. Well Sharlene sey will di tru Jump and Split please dance up. Ave a face off wit it in a neutral place and mek di fans dem judge it. All invite di singer mek him duh di live ting, 'yea you know it's Mu-rce'.

EVERY ONE LOVES 'FALLEN SOLDIERS'

The whole ah Jamaica love the tune, Fallen Soldiers, the yute weh name Demarco sell off, him ting connect. When it play a dance, ah just crazy forward. Mi hear say even di big man a town love the tune, real street ting. The man used to live ah Bridgeport and him move go Maverley and find da big tune 'bout all the yute weh a dead off. The yute crazy talented, him can deejay, write and build riddim, and him humble and easy going.

NODDY A TRU RISING STAR

See it de, mi tell yu say Noddy ah the real artiste, him complete him album now and ah look fi album deal inna the US . How Chris mek Noddy just gone round him so? Noddy ah the real artiste, yu nuh see everybody still ah talk 'bout the song him do wid Jody Ann Pantry pon Rising Stars, ah da song de mek she almost win the contest.

IFRICA COMES TO GREATER PORTMORE

Ifrica show up inna Greater Portmore wah day ya fi a little girl sweet 16 party and she mek the girl day, even now, the community still ah talk about it. She even deejay a couple of tunes, and toast the girl and her family. She meet ar on the video shoot set of her new video about bleaching. Everybody rate how Ifrica ah tek it to dem in the streets, her song dem, especially the Mi Nah Rub song sell off.

BEENIE'S NEW GIRL, NOT BARBEE

Beenie Man have a new girl. Mi see the play last week at Weddy Weddy and yu know say mi caan keep mi mouth, mi haffi tell yu. But mi disappointed in the Doc because the girl is well known but anno really nothing, ah dem kinda girl the Doc love feature. Just check the file.

QUESTION TIME

Why Cullo Cullo Squad and Jermaine Squad buss a fight week before las tweek Thursday inna Asylum?

Why some dancer inna him owna crew bad mind Shelly Belly over him hot new dance, 'Nineties Rock'? Shelly Belly, yu ting sell off.

Why the police who name Cowboy nuh stop hold up traffic inna the morning ah come from Portmore? Who him a search fah so? Bad man no travel a day.

Ah true say Bounty vex over the ting weh gwaan over Green synergy wah day ya because it ah give Alliance ah bad name?

Why Scratchy B sister, Camille Got It feel she hot and she just nah happen? She doan got nothing, mi no see har wid nothing, right now, she look like she need one of the new Lasco cornmeal product fi bring back herself.

How Coolie nuh have baby yet? She is a camel or a donkey?"

When the government ah go do something about airport road? As little rain fall, it mash up.

How Chella Vic have so much girl over 3 North?

How Malijah ah get so famous? Him a roll through Spanish Town since week on his way to Portmore and some thugs move to him a beg a ting. Unnu feel say true di singer a drive criss Rav 4 him have money a walk round wid everyday. But him give him fans dem a ting because ah dem mek the song hit pon the RE MVP charts.

Which big producer caan rise to the occasion again? Not even Viagra mix wid horse tonic can save him.

Titi, why yu no loow the people dem man?

Dahlia, yu nuh see say the diet nah work, and why yu caan advise Latiesha fi buy two false teeth put inna her mouth? The whole world know her teeth dem gone, but when yu see her inna video light, she ah fold up her lip dem and ah hide it.

Why Fireblacks caan find a hit dance yet?

Sharlenesussu@gmail.com