What a gwaan massive? Miss Cherry deh yah again. I are hope uno all right.

Now hear dis, after me meks mi talk bout di particular artiste sister dat breed for dat artiste, she up in arms and are beating up har been-dere-done-dat gum dem. One a yuh friend tell smaddy from STAR say yuh offended bout wha I are said bout yuh and yuh a go write letter. What are not this! When di woman tell me, mi say, it are mussi be to Dear Pastor!

Mi still a wait fi one email or text fi know why yuh offended. Wha yuh whaa mi say? 'Why did that fellow who I thought was of an extremely high IQ decide to inseminate that female who often acts like an informal commercial importer? Why won't this ICI delegate leave the other woman's man alone? I am repulsed, shocked and taken aback!" I are hope yuh still going to class, cause yuh need fi occupy yuh time. And wha yuh mean how mi know? If people see yuh gut a swell, dem nuh muss wonder if yuh a breed or yuh nyam too much rice and have kwashiorkor?

Mi cyan bodda wid people and dem ole slavery time news enuh. Massive see di suss yah.

Venus and Serena

Venus (left) and Serena Williams. - Winston Sill photo

People, uno did tek een Venus and Serena how dem look like dem did stuck inna one dungeon fi 20 year? Dungtown massive, dem shouldda mek uno do dem hair. Mi say people, di night of di dinner, dem have di people dem siddung a wait pon dem fi ova two hour. Den when dem come dung, di gal dem look like say dem just roll outta dem bed and haul on a house frock. By di way a true say a one man from Portmore bring dem een? Who him? How him so heavy?

Asafa inna ole car

Asafa Powell - Anthony Foster

Massive mi pass Asafa pon di road di odder day and nearly crash. Not because him hot but because him did a drive one blue Civic hatchback wha look like a, '93. Hear why mi frighten: yuh naw ketch some people inna di spotlight a do dat! Dem love di hype. Mi nuh know why yuh did a drive it cause yuh have yuh criss car, but me like yuh style say yuh nuh care.

Wha yuh say Yan Yan yuh have a nice humble man? Raaaay! Mi proud. Eye wata a tek mi. People an him love har too yuh see, him ongle have eyes fi har. People, mi a bawl. Lawd have mercy, I feels di looove. Send mi wedding invitation when di time come uno hear? Raaay!

Aidonia again

Adonia - file

People, now look how every week mi tell dis bwoy say him muss leggo offa Alliance cause dem nuh want him in deh, and him nuh tek mi advice. Him mek shame tek him! Mi nuh have notting else fi say cause me must did know something why mi a tell him fi leggo, nuh true? Yuh cyan inna one man camp and a sing bout him tongue, ketch inna fight wid Mavado Cuban dem, den a clash wid Busy - come out and do dat. Anyway mi glad dat ova wid so yuh can do yuh own ting. Do not go ova dat next camp! People already see yuh as a dog of no nation, nuh do it! But massive, uno can imagine how Busy siddung a him yard a skin him teeth?

What are not this?

Mavado - file

How come Leftside and Esco start do voice imitation so hard and den a say a Austin Powers show gih dem di idea? Is a joke or wha? Wha Zebra a say bout dem new song?

Whe di Alliance CD deh? How it a tek so long? Uno a tek off Addi and Aidonia offa di track dem?

Mavado, Andrea say she in love wid yuh and she a mad out ova it. Deary, yuh ask fi mi advice and mi a go tell yuh say a nuh love. Yuh neva meet or chat to him; yuh nuh know him struggles, yuh nuh know him joys. Yuh young, focus pon school. Mi serious. Di DJ dem now nuh want no ediot gal, straight professional. All a di DJ dem whoffah woman inna di corporate world, uno put uno hand inna di air. Wha yuh say Leftside, Vegas, Chino, Red Rat? Raaay!

Di massive, uno big up unoself. Link mi pon hotgalcherry@hotmail.com or text 580-9309.