Rising Stars, One Third, had the crowd going wild with their medley of dancehall songs. - Colin Hamilton

Brushy in concert

Business House Netball Associ-ation in association with Business House Domino, Business House Football and Business House Basketball, presents 'Brushy One String' in concert. Waah, Brushy mad a road! A one flier mi si a circulate roun di place, but bwoy, mi neva know sehh a suh Brushy large? Him a get show already! But if yuh think sehh dat was all, di bwoy nuh perform a Beenie Man Summer Sizzle di odda day to. Yow Brushy, teeth an eyebrow seh yuh nuh need Rising Star, yuh a Star already!

Who's the boss?

Ohhh no! A eediat ting di I dem a keep up yuh nuh star. How every week di I dem fi seh Nickiesha Barnes a di boss, Nickiesha a di baddis singa, Nickesha haffi win Rising Star and last week Nickiesha get di least number a vote? Mi need Assassin fi help mi sing di tune star, 'eediat, eediat, eediat, eediat ting dat!' Nickiesha, hear mi, nuh watch nuh face, no. Mi tek back dat, yuh need fi guh check Face an get some of her campaign tips from last year.

Nuh badda worry

Natel, gwaan do yuh ting mi yout, but di peeps out a road seh nuh worry feel like sehh yuh reach jus tru yuh start put two tune together a studio.

Three pon one

One Third, a three a unu an jus one a Nickiesha, mi nuh know how unu a guh work dat, but wi si like unu waan move like di girl road manager already.

Either dis are go

Susan Perkins, di I dem sehh yuh betta open up yuh mouth or tek time gwaan een a yuh yard.

Backitive large

Kimanda Cunningham, dem seh yuh nuh need fi move suh 'foce' cause yuh backitive down a Waterhouse done large already!

( L - R ) Suzanne Perkins, Brushy One String and Natel