PEOPLE HOW UNNU do is Miss Cherry again. Why some of unnu won't leave me alone. What it is? Eeh, what it is? Everywhere unnu go - unnu ah aks mi fren who is Miss Cherry, if a she is Miss Cherry? She is not Miss Cherry. Me is Miss Cherry. Hush yah mi fren' a suh it guh, nuh mek dem bodda yuh.SUSS TIME!
TEK BOX BWOY,
YUH TINK ME EASY!
PEOPLE UNNU DID hear bout it. Di big don - di scandal one,- get box dung by di nex' bigger don - di protest one. Yes mi dear, dem inna meeting and di don never like how tings guh and di odda don pass him place and him just shot him a box! Mi seh gun draw, and people ready fi pop off, but everyting was quieted. But people, unnu si how di party deal wid dem ting - it never inna di news. Look and listen, dat is why dem a leader and some of unnu a just breeder!
A MAN AND TWO QUEENS!
YES, MI HEAR seh she is here - regular, very regular! And him a control it! But hear di odda part, har fren, fi him woman, know because nuff time all threesome a gwaan! How him one suh lucky, him one and two queen! Now dat is the life!
MR. COMMISH
Mr. Commissioner a hope yuh a watch certain policeman. A hope yuh see how some a dem a drive $4 million SUV, and dem nuh have nuh big post! A hope yuh see di house whe some a dem live inna! A hope yuh see it, and dem nuh fi guh a Neva Neva Land dem fi go a prison - straight! Yuh know what, Miss Cherry will call yuh and give yuh di info!
LA. LEWIS GET A LIFE!
Look here, dere is certain tings dat Miss Cherry don't put up wid. And brightness and impertinence is chief among dem, me and unnu - you Mr. LA LEWIS, di wannabe dj, wi a nuh fren'. So how dare you come a call up my name inna yuh argument, bwoy, yuh know me? Is your mother grow me? Do it again and yuh si somting.
Miss Cherry done fi dah week yah, but next week a pure London suss mi have fi unnu! It cyaan done! And yes mi fren, mi hear bout yuh a Beach J'ouvert wid yuh new man. Mi glad. Very glad!
