THE EDITOR, Madam;
No sah dis cannot be right.
A wha mek di housing authority mek di the office hold on to dem people official paper of ownership for di Vancy lands in a Falmouth so tight? Look how long nuff a dem people done pay fi dem lickle plot. M.P. Dr. Patrick Harris and Councillor Wilkinson mi a beg yu tek up di people of Vancy lands case and gi di relevant authorities some influential chat.
A pure run around di Ministry of Housing a gi di Vancy land buyers.
Kindly deal wid di people right and no bodda mek dem go block no road or bun tyres.
Nuff people down a Falmouth life deh pon hold.
Di delay of dem title a prevent nuff a dem business from roll.
Di delay a di delivery of di Vancy lands buyers titles is caused from either inefficiency or bureaucratic bundling.
Ministry of Housing and Titles office a beg oonu sort out oonoo business quickly and stop di stumbling.
I am etc.,
HUGH ANDERSON BLAIR
Kingston 3
